The New London Consort.

Onte, 18 de abril tivo lugar o primeiro concerto do VI Festival de Músicas Contemplativas enSantiago de Compostela. Estivo a cargo do conxunto The New London Consort dirixido por PhilipPickett, que aportou unhas excelentes notas ao programa.

A agrupación demostrou a súa grande mestría e pulcritude na interpretación histórica de música antiga, como veñen facendo durante anos, e que tivemos oportunidade de escoitar en numerosas ocasións grazas á ampla actividade concertística desta. Deste modo é como divulgan un son distinto, con instrumentos moi parecidos aos orixinais da música antiga e con afinacións chocantes para os oídos contemporáneos, afeitos a unha afinación moderna.

Dada a extensión do programa, o estilo interpretativo e o seu monotematismo- estamos a falar de músicas de temática relativa ao tempo de Pascua -un público heteroxéneo podería aportar opinións enriquecedoras moi dispares. A miña opinión é favorable en calquera dos sentidos.

Cabe destacar a actuación da violinista principal, especialmente no Oratorio de Pascua de J.S. Bach, última obra do programa. Sen dúbida para os amantes da música antiga foi un concerto para disfrutar.

Alba Díaz Taboada.